विराटनगर । रोटरी क्लब अफ बिराटनगर मिडटाउनले आज महेश्वरि समाज र लायन्स क्लब बिराटनगरसँग सहकार्य गर्दै क्वालिटी आयल रिफाइनरी प्रा.लि., कटहरीमा ५०० वृक्षारोपणका बिरुवा रोपेको छ। यस वृक्षारोपण अभियानको आयोजनाको उद्देश्य वातावरण संरक्षण र हरित क्षेत्रको प्रवर्धन गर्नु हो।

यस अभियानलाई रोटरी नेपाल र भुटानका जिल्ला गभर्नरको विशेष पहलमा शुरु गरिएको हो। कार्यक्रमको नेतृत्व रोटरी क्लब बिराटनगर मिडटाउनका अध्यक्ष रोटेरियन घनश्याम काब्राले गरे भने, सचिव रोटेरियन संजय बन्सल र अन्य सदस्यहरू – रोटेरियन रामावतार अग्रवाल, रोटेरियन घनश्याम राठी, रोटेरियन विनोद बोहरा, रोटेरियन राकेश दाहाल, चम्पलाल राठी, लायन मनोज मुंढार र राजकुमार अग्रवाल पनि उपस्थित थिए।

बिज्ञापन

कार्यक्रममा बोल्दै रोटेरियन घनश्याम काबराले भने, “हामी सबै मिलेर बिरुवा रोपेर मात्र वातावरणलाई सुरक्षित र हरित बनाउँछौं। यो अभियान हामीलाई भविष्यमा हरियाली र वातावरणको महत्व बुझाउने महत्वपूर्ण अवसर हो।”

कार्यक्रममा सहभागी सबैले वृक्षारोपणको महत्त्व र यसको दीगो प्रभावमा जोड दिएका थिए।

यो रोटरी क्लबको वृक्षारोपण अभियानले समुदायमा वातावरणीय चेतना जगाउने र भविष्यमार्फत हरियाली बढाउने उद्देश्यलाई साकार बनाएको छ।

×

❮

❯