विराटनगर । मोरङका विभिन्न स्थानबाट सशस्त्र प्रहरीले ४ लाख २७ हजार रुपैयाँभन्दा बढी मूल्यका अवैध सामान बरामद गरेको छ । अवैध सामान ओसारपसारमा संलग्न रहेको आरोपमा प्रहरीले एक जनालाई समेत नियन्त्रणमा लिएको छ ।

सशस्त्र प्रहरी बल नेपाल नम्बर ३ गण हेडक्वार्टर कंकालिनी तथा मातहतका सीमा सुरक्षा गुल्म रानी र बीओपी जहदा भुटाहाबाट खटिएको टोलीले शनिबार विभिन्न स्थानबाट सामान बरामद गरेको हो ।

विज्ञापन

सशस्त्र प्रहरीका अनुसार बरामद सामानको भन्सार मूल्य ४ लाख २७ हजार ३९० रुपैयाँ रहेको छ । बरामद गरिएका सामानमा एक थान मोटरसाइकल, दुई थान रिक्सा, रजनीगन्धा, लत्ताकपडा, औषधि, हार्डवेयर तथा किराना सामान रहेका छन् ।

अवैध सामान ओसारपसारमा संलग्न रहेको आरोपमा विराटनगर महानगरपालिका–१४ निवासी २३ वर्षीय विपिन यादवलाई समेत नियन्त्रणमा लिइएको सशस्त्र प्रहरीले जनाएको छ ।

बरामद सामान र नियन्त्रणमा लिइएका यादवलाई आवश्यक कानुनी कारबाहीका लागि विराटनगर भन्सार कार्यालयमा बुझाइएको छ ।

×

❮

❯