विराटनगर । मोरङ ४ को मतगणना सुरु हुने भएको छ । विराटनगर स्थित जनता स्कुलमा मतगणना सुरु भएको हो । निर्वाचन कार्यालयले जानकारी दिए अनुसार पहिले कटहरी क्षेत्रको मतगणना हुनेछ । त्यसपछि ग्रामथान, विराटनगर र बेलबारी क्षेत्रका मत केन्द्रको बाकस खोलिने छ ।

काठमाडौं क्षेत्र नम्बर ३ मा मतगणना सुरु भएको छ । काठमाडौं क्षेत्र नम्बर ३ का निर्वाचन अधिकृत चमिला भट्टराईले केही समयअघिबाट मतगणना सुरु भएको जानकारी दिइन् । काठमाडौं क्षेत्र नम्बर ३ मा नेकपा एमालेबाट रामेश्वर फुयाल, नेपाली कांग्रेसबाट रमेश अर्याल, रास्वपाबाट राजुनाथ पाण्डे, उज्यालो नेपालबाट कुलमान घिसिङ, नेकपाबाट निरज लामा प्रतिस्पर्धामा छन् ।

प्रतिनिधिसभा निर्वाचनअन्तर्गत सुनसरी जिल्लामा कुल ५ लाख ८० हजार ९४५ मतदातामध्ये ३ लाख ६९ हजार ६०० मत खसेको छ। जिल्ला निर्वाचन कार्यालयका अनुसार यो कुल मतदाताको करिब ६३ दशमलव ६ प्रतिशत हो। क्षेत्रगत विवरणअनुसार सुनसरीका सबै निर्वाचन क्षेत्रमा ६० प्रतिशतभन्दा बढी मतदान भएको छ। निर्वाचन क्षेत्र–१ मा १ लाख ५० हजार ३९३ मतदातामध्ये ८७ हजार […]