विराटनगर । निरन्तर भइरहेको वर्षाका कारण काठमाडौंबाट पोखरा, भैरहवा र सिमरातर्फ हुने आन्तरिक उडान प्रभावित भएका छन्।

त्रिभुवन अन्तर्राष्ट्रिय विमानस्थल कार्यालयका अनुसार वर्षाका कारण यी तीन विमानस्थलतर्फका उडान रोकिएका हुन्। यद्यपि, काठमाडौंबाट अन्य गन्तव्यका लागि हुने आन्तरिक उडान भने नियमित रूपमा सञ्चालन भइरहेका छन्।

विज्ञापन

विमानस्थलको हटलाइनबाट प्राप्त जानकारीअनुसार पोखरा, भैरहवा र सिमराको उडान प्रभावित भए पनि अन्य विमानस्थलतर्फको उडानमा हालसम्म कुनै अवरोध आएको छैन।

अन्तर्राष्ट्रिय उडान भने नियमित रूपमा सञ्चालन भइरहेको विमानस्थल कार्यालयका एक अधिकारीले जानकारी दिए।

‘अन्तर्राष्ट्रिय उडानमा अहिलेसम्म कुनै प्रभाव परेको छैन,’ उनले भने।

×

❮

❯