नेपालीहरूको दोस्रो ठूलो चाड तिहारको अन्तिम दिन आज देशभर भाइटीका हर्षोल्लासका साथ मनाइँदैछ।

नेपाल पञ्चाङ्ग निर्णायक विकास समितिका अनुसार यस वर्ष भाइटीका लगाउने उत्तम साइत बिहान ११ बजेर ७ मिनेटमा रहेको छ।

विज्ञापन

आज दिदीबहिनीले आफ्ना दाजुभाइको दीर्घायु, सुख, शान्ति र समृद्धिको कामना गर्दै सप्तरङ्गी टीका, मखमली तथा सयपत्री फूलको माला लगाइदिने परम्परा रहेको छ।

त्यसैगरी दाजुभाइले पनि दिदीबहिनीलाई टीका लगाई उपहार तथा दक्षिणा दिने चलन रहेको छ।

धार्मिक मान्यताअनुसार भाइटीकाले दाजुभाइ र दिदीबहिनीबीचको प्रेम, स्नेह र आत्मीय सम्बन्धलाई अझ प्रगाढ बनाउने विश्वास गरिन्छ।

यसैसँगै पाँच दिनसम्म मनाइने यमपञ्चक अर्थात् तिहार पर्व आज समापन हुँदैछ।

×

❮

❯