पथरी–शनिश्चरे । नेपाली कांग्रेसको १५औँ महाधिवेशनअन्तर्गत देशभर वडा अधिवेशन चलिरहेको छ। अधिवेशनका क्रममा विभिन्न स्थानमा वडा कार्यसमिति तथा क्षेत्रीय प्रतिनिधि सर्वसम्मत चयन भइरहेका छन्।
यसै क्रममा मोरङको पथरी–शनिश्चरे नगरपालिकाका वडा नम्बर ५ र ६ मा नेपाली कांग्रेसको वडा कार्यसमिति तथा क्षेत्रीय प्रतिनिधि सर्वसम्मत चयन भएका छन्।

साबिक हसन्दह गाविसअन्तर्गत पर्ने हाल पथरी–शनिश्चरे नगरपालिकाका वडा नम्बर ५ र ६ मा सहमतिमै वडा कार्यसमिति चयन गरिएको हो।

विज्ञापन

वडा नम्बर ६ बाट ५२ जना र वडा नम्बर ५ बाट ३२ जना क्षेत्रीय प्रतिनिधि सर्वसम्मत चयन भएका छन्।

वडाबाट चयन भएका क्षेत्रीय प्रतिनिधिले पार्टीको विधान र अधिवेशन प्रक्रियाअनुसार माथिल्लो तहका अधिवेशनमा प्रतिनिधित्व गर्ने तथा मतदानमा सहभागी हुने अधिकार प्राप्त गर्नेछन्। वडा अधिवेशनबाट सुरु भएको कांग्रेसको अधिवेशन प्रक्रिया क्रमशः पालिका, प्रदेश सभा क्षेत्रीय, प्रतिनिधि सभा क्षेत्रीय हुँदै केन्द्रीय महाधिवेशनतर्फ अघि बढ्नेछ।
नेपाली कांग्रेसको १५औँ केन्द्रीय महाधिवेशन आगामी असोज १६ देखि १९ गतेसम्म काठमाडौंमा हुने तय भएको छ।

×

❮

❯