काठमाडौं । नेपाली कांग्रेसको १५औँ महाधिवेशनअन्तर्गत मधेशी खुलातर्फको मतगणनामा अनिल रुंगटा पहिलो स्थानमा रहेका छन्।

उपलब्ध मतपरिणामअनुसार रुंगटाले २ हजार १५५ मत प्राप्त गरेका छन्। दोस्रो स्थानमा रहेका रामकृष्ण यादवले १ हजार ७३८ मत पाउँदा डा. गरिब दास ठाकुरले १ हजार ७३६ मत प्राप्त गरेका छन्।
त्यस्तै, दिनेश यादवले १ हजार ५७८, जितेन्द्र देवले १ हजार ५३६ र अशर्फी साहले १ हजार ५१४ मत प्राप्त गरेका छन्।

विज्ञापन

अन्य उम्मेदवारमध्ये अशोक कुमार शाहले १ हजार ३३९, उमेशचन्द्र यादवले १ हजार ३००, मिथलेश मिश्राले १ हजार १६९, जंगिलाल रायले १ हजार ८४ र परमेश्वर साहले १ हजार ७० मत पाएका छन्।

यसैगरी, श्रीप्रसाद राउतले ८१२ र लालबहादुर राउतले ७९६ मत प्राप्त गरेका छन्।

उपलब्ध विवरणमा कुल ३ हजार ९०० मतको गणना उल्लेख गरिएको छ।

×

❮

❯