बराहक्षेत्र । नेपाली कांग्रेस बराहक्षेत्र नगर कार्यसमितिको सभापतिमा रोशन खड्का निर्वाचित भएका छन्। नेपाली कांग्रेसको १५औँ नगर महाधिवेशनअन्तर्गत भएको निर्वाचनमा खड्का ३५ मतको अन्तरले विजयी भएका हुन्।

कुल ४१६ मतदाता रहेको निर्वाचनमा ४१३ मत खसेको थियो। अन्तिम मतपरिणामअनुसार खड्काले २२० मत प्राप्त गर्दै सभापति पदमा निर्वाचित भए।

विज्ञापन

उनका प्रतिस्पर्धी तेजबहादुर गुरुङले १८५ मत प्राप्त गरे। खड्काले गुरुङलाई ३५ मतले पछि पार्दै नगर सभापतिको जिम्मेवारी हात पारेका हुन्।

मतगणना सम्पन्न भएसँगै निर्वाचन समितिले खड्कालाई विजयी घोषणा गरेको छ।

×

❮

❯