धनगढी । सुदूरपश्चिम प्रदेश सरकारले आकार बढाएर ल्याएको बजेट सन्तुलनहीन देखिनुको मुख्य कारण सत्तारुढ दलभित्रकै आन्तरिक विवाद रहेको बताइएको छ।

कांग्रेस र एमालेले संयुक्त रूपमा सञ्चालन गरिरहेको प्रदेश सरकारमा मुख्यमन्त्री कमलबहादुर शाहले बजेट एकलौटी रूपमा तयार गरेको आरोप लगाउँदै एमालेले मन्त्रिपरिषद् बैठकमै सहभागी नहुने संकेत दिएको थियो।

बिज्ञापन

विशेषगरी भौतिक पूर्वाधार विकास मन्त्रालयमा तोकिएको सिलिङअनुसार बजेट नपरेको तथा सांसद र मन्त्रीहरूले सिफारिस गरेका योजनाहरू समावेश नगरिएको विषयमा एमालेले असन्तुष्टि जनाएको छ।

त्यस्तै, आगामी आर्थिक वर्षको बजेट तथा कार्यक्रम प्रणालीमा प्रविष्ट गरिसकेपछि जेठ ३१ गते राति १२ बजेसम्म प्रणाली बन्द हुनुपर्ने नियम भए पनि कर्मचारीहरूले सोमबार मध्यरातसम्म पनि प्रणाली बन्द नगरेको एक कर्मचारीले बताएका छन्।

×

❮

❯