विराटनगर । कोसी प्रदेश सभामा प्रदेश सभा सदस्यले गीत गाउँदै गृहमन्त्री रमेश लेखकको राजीनामा माग गरेका छन् ।
बुधबारको बैठकमा माओवादी केन्द्रका प्रदेश सभा सदस्य गोम्बु शेर्पाले भिजिट भिसामा हजुर हजुर भिजिट भिसामा भन्दै गीत गाएर आफ्नो मन्तव्य शुरु गरे ।
उनले पक्राउ परेका सहसचिव तीर्थराज भट्टराईको नेतृत्वमा बेरोजगार युवाहरुसँग त्रिभुवन विमानस्थलमा रकम असुल्ने काम भएको प्रकरण बाहिर आएको भन्दै यसमा गृहमन्त्री लेखकस मेत जोडिएको दाबी गरे । शेर्पाले बदनाम र विवादित कर्मचारीहरु गृहमन्त्रीको सचिवालयमा छानीछानी राखेको भन्दै अस्वभाविक मिलेमतो देखिएको आरोप लगाए । उनले बेरोजगाररुमाथि लुट धन्दा मच्चाउनेहरुको मुख्य नाइके नै गृहमन्त्री नै भएको आरोप लर्गा । गृहमन्त्री रमेश लेखक जातीय छुवाछुत र भेदभावमा गर्ने व्यक्तिको रुपमा पनि परिचत भन्दै शेर्पाले राजीनामा गराउन वा बर्खास्त गर्न संघीय सरकारको ध्यानाकर्षण गराए ।
कांग्रेसका प्रदिपकुमार सुनुवार भिजिट भिषाकै सम्बन्धमा गणतन्त्रको अभ्यास भइरहेको भन्दै संसदको आफ्नो मर्यादा हुने सुनाए । अतिरञ्जित गर्ने काम गर्दै अनुसन्धान र कारवाहीको एउटा प्रक्रिया हुने बताए । प्रतिपक्षीलाई सरकारमा छँदा राम्रो र नहुँदा नराम्रो भन्ने कुरा छाड्नु पर्छ उनले भने ।
मिलेर सरकारमा हुँदा राम्रो र नहुँदा नराम्रो भन्दै अतिरञ्जना सिर्जना गर्ने काम भएको जिकिर गरे । व्यवस्था प्रति नै यसबाट वितृष्णा उत्पन्न हुने भएकोले प्राप्त कागजात, मोबाइल सबै लगिसकेकोले भिजिट भिसा प्रकरणको अनुसन्धानमा प्रभाव पर्ने ढंगले गतिविधि गर्न नहुने बताए ।
कांग्रेसका रामकुमार खत्रीले सबै जिल्लाको विकासले मात्र प्रदेश विकास हुने भन्दै उदयपुरको पश्चिमी भेगको क्षेत्र नं २ भौगोलिकि विकटताको कारण थोरै बजेटले विकास सम्भव नहुने भन्दै कमला, तावा आदि खोलाले खेतीयोग्य जमिन कटान गरेर स्थानीयलाई बिस्थापित गर्ने गरेको सुनाए ।
*** समाप्त ***
बिहिबार, जेठ १५, २०८२
