विराटनगर । कोसी प्रदेश सभाको बैठक बस्न सत्तासीन एमालेभित्रै माग उठेको छ । एमाले संसदीय दलले केही दिनअघि राखेको दलको जुम बैठकका क्रममा अधिकतर प्रदेश सभा सदस्यले प्रदेश सभा बैठक राख्न माग गरेका थिए ।

यसबाहेक दलले वर्तमान आन्दोलनको समीक्षा गर्दै अब कसरी अघि बढ्ने भन्ने विषयमा समेत लछफल गरेको थियो ।

बिज्ञापन

कोसी प्रदेश सभाको न्याय प्रशासन तथा विधायन समितिले पनि तत्कालै प्रदेश सभा बैठक राख्न माग गर्दै सरकारको ध्यानाकर्षण गरेको थियो । तर, सभा कहिले राख्ने भन्ने टुंगो लाग्न सकेको छैन । कोसी प्रदेश सभामा एमालेका सदस्य जयप्रकाश चौधरीले संसदीय दलको बैठक र विधायन समितिमा समेत बैठक राख्नुपर्ने भन्दै प्रदेश सभा सदस्यहरुले मत राखेको बताए । उनले भने,‘ंतर कहिले बैठक बस्छ त्यो तय हुन बाँकी छ ।’’

आन्दोलनकारीले प्रदेश सभा सचिवालयमा आगजनी गरी ध्वस्त बनाई दिएका छन् । सभाहल जलेर पूरै खरानी भई सकेको छ । अब बैठक कहाँ बस्ने भन्ने सरकारले तय गर्ने सचिवालयले जनाएको छ । प्रदेश सभा सचिवालयका कर्मचारीहरु मिडिया सेन्टरको कोठामा बसेर दैनिक काम गरिरहेका छन् । सचिवालयका धेरै सामान चोरी भएका थिए ।

×

❮

❯