उदयपुर। आइतबार साँझ आएको हावाहुरीका कारण उदयपुरको कटारीमा दुई जनाको मृत्यु भएको छ भने पाँच जना घाइते भएका छन्।

मृत्यु हुनेमा कटारी नगरपालिका–८ थलीयाटारकी मिनामाया तामाङ र कटारी नगरपालिका–५ का ६४ वर्षीय वीरेन्द्र चौधरी रहेका छन्।

बिज्ञापन

इलाका प्रहरी कार्यालय कटारीका अनुसार कटारी–५ मा रहेको राधाकृष्ण मन्दिर नजिक टिनको छाना र काठले बनेको खाजा घरमाथि वर्षासँगै आएको हावाहुरीका कारण सुकेको सालको रुख ढल्दा चौधरीको घटनास्थलमै मृत्यु भएको हो।

सोही घटनामा रुखले किचेर पाँच जना घाइते भएका छन्। घाइते हुनेहरूमा ४ वर्षीया बिनिशा चौधरी, कटारी नगरपालिका–५ आहालेडाँडाका २७ वर्षीय युवराज कार्की, कटारी नगरपालिका–५ बलाहाका ४६ वर्षीय लीला बहादुर दनुवार, सोही स्थानका ४६ वर्षीय प्रेमचन्द्र दनुवार तथा कटारी नगरपालिका–१२ बसेरीकी १६ वर्षीया अस्मिता परियार रहेका छन्।

घाइते सबैको प्रादेशिक अस्पताल कटारीमा उपचार भइरहेको प्रहरीले जनाएको छ।

×

❮

❯