विराटनगर । गएरातिको हावाहुरी, वर्षा र चट्याङका कारण विराटनगरका विभिन्न क्षेत्रमा साढे १२ घण्टादेखि विद्युत् आपूर्ति अवरुद्ध भएको छ।

नेपाल विद्युत् प्राधिकरण विराटनगर कार्यालयका अनुसार हावाहुरी र वर्षाका कारण ३३ केभी विराटनगर–३, मल्टिफ्युल, कटहरी तथा विराटनगर औद्योगिक फिडरमा अझै समस्या देखिएको छ।

बिज्ञापन

प्राधिकरणले धेरै स्थानमा विद्युत् पोल भाँचिएको, रुख ढलेर तार चुडिएको तथा संरचनामा क्षति पुगेको जनाएको छ। क्षति भएका क्षेत्रमा प्राविधिक र कर्मचारी खटिएर मर्मत कार्य सुरु गरिएको छ।

तर, पूर्ण रूपमा मर्मत सम्पन्न नभएसम्म दिउँसोसमेत धेरै क्षेत्रमा विद्युत् आपूर्ति पुनः सुचारु हुने सम्भावना न्यून रहेको कार्यालयले जनाएको छ।

प्राधिकरणका अनुसार क्षतिको विवरण संकलन कार्य पनि बिहानदेखि नै सुरु गरिएको छ।

×

❮

❯