विराटनगर । विराटनगरको कोशी अस्पतालको शौचालयबाट भागेका थुनुवा अढ़ाई महिनापछि पक्राउ परेका छन् । पक्राउ पर्नेमा मोरङको कटहरी
गाउँपालिका-२ का २० वर्षीय मोहमद राजु छन्।

उनलाई आज बिहान ४९:२५ बजे पक्राउ गरिएको मोरङ प्रहरीका प्रवक्ता डीएसपी कोपिला चुडालले जानकारी दिएकी छिन् ।

जिल्ला अदालत मोरङले थुनामा राखेर मुद्दाको पुर्पक्ष गर्न आदेश दिएपछि उनलाई गत भदौ १७ गते जिल्ला कारागार मोरङ चलान गरिएको थियो।

कारागारमा रहेका उनलाई अचानक पेट दुखे समस्या देखिएपछि उपचारका लागि असोज १२ गते साँझ कोशी अस्पताल भर्ना गरिएको
थियो।

उनी शौचालय गएका बेला प्रहरीलाई छलेर सोही दिन राति फरार भएका थिए।

आपने घरमा लुकिछिपी बसिरहेको अवस्थामा फेला परेका उनलाई जिल्ला प्रहरी कार्यालयमा राखिएको छ । उनका सम्बन्धमा थप
अनुसन्धान अधि बढ़ाइएको प्रहरीले जनाएको छ।

×

❮

❯