विराटनगर । दुई मोटरसाइकल एक आपसमा जुध्दा विराटनगरको मुनलाइट फोटो स्टुडियोका सञ्चालक तथा लायन्स क्लब अफ विराटनगर गुराँसका सदस्य नवीन खनालको मत्यु भएको छ ।

विराटनगर–५ निवासी ४२ वर्षीय खनाल गएराति दुर्घटनामा परेका थिए । कोसी राजमार्गअन्तर्गत विराटनगर–३ स्थित तिरुपति पेट्रोल पम्प नजिकै दुई मोटरसाइकले एक आपसमा जुधेको प्रहरीले जनाएको छ ।

बिज्ञापन

प्रहरीका अनुसार दूध फारमबाट कञ्चनबारीतर्फ जाँदै गरेको को ३४ प २४३४ नम्बरको मोटरसाइकल र कञ्चनबारीतर्फ नै जाँदै गरेको प्रदेश १–०२–०४४ प ९५७२ नम्बरको मोटरसाइकल आपसमा जुधेका थिए । राति ८ः४० बजेतिर भएको दुर्घटनामा परी गम्भीर घाइते भएका खनालको नोबेल शिक्षण अस्पतालमा उपचारका क्रममा मृत्यु हुन पुगेको हो ।

अर्को मोटरसाइकलको पछाडि सवार भारत झारखण्डकी २९ वर्षीया सपना दास पनि घाइते भएकी छन्। उनको नोबेल अस्पतालमै उपचार भइरहेको छ । अवस्था सामान्य रहेको छ । उनी विराटनगर–६ रामपुरस्थित माइतीमा बस्दै आएकी थिइन ।

दुर्घटनापछि प्रहरीले २४३४ नम्बरको मोटरसाइकल चालक भारत झारखण्डका ३४ वर्षीय राकेश रञ्जनलाललाई नियन्त्रणमा लिएको छ। तीव्र गतिका कारण दुघटना भएको बताइएको छ ।

×

❮

❯