नोट: यो समाचार १ महिना अघिको हो
विराटनगर । नेपाली कांग्रेस विराटनगर समितिको मत गणना जारी छ । हालसम्म गणना भएको ६०० मतको परिणाम अनुसार सभापति पदमा कृष्ण कार्कीले ४८६ मत प्राप्त गर्दा अर्का उमेदवार केशव गिरीले जम्मा ९६ मत प्राप्त गरेका छन् ।
त्यसैगरी उपसभापतिमा श्रुती शर्माले ३७६ मत प्राप्त गर्दा विपक्षी उमेदवार कृष्ण कुमारी साहले १७२ मत प्राप्त गरेकी छिन् । जम्मा ८८९ मतदाता रहेको महानगरमा ७९६ मत खसेको थियो ।
अहिलेसम्म ६०० मतको मतपरिणाम सार्वजनिक भएको छ । मतगणना विराटनगर महानगरपालिका वडा नम्बर ३ गुधुँली मार्गमा अवस्थित परोपकार अभियान समूहको भवनमा जारी छ । निर्वाचन समितिका अनुसार दिउँसो ४ बजेसम्म मत परिणाम आईसक्ने छ ।
पदाधिकारीमा उपसभापतिमा सुभाशिषक कोइराला यसअघि नै निर्विरोध निर्वाचित भएका थिए । सचिवमा वीरेन्द्र यादव र सहसचिवमा सिताराम सापकोटा सर्वसम्मत भइसकेका छन् ।
