काठमाडौँ । सिन्धुलीको सुनकोसी नदीमा खसेको कारमा चालकसहित तीन जना सवार रहेको खुलेको छ । जिल्ला प्रहरी कार्यालय सिन्धुलीका अनुसार दुर्घटनामा परेको कारमा सिन्धुपाल्चोकको जुगल गाउँपालिका निवासी दिलकुमार लामा चालकका रूपमा रहेको खुलेको हो ।

प्रहरीका अनुसार लामा सडक विभागअन्तर्गत मध्यपहाडी लोकमार्गको मुलकोट खण्डका ठेकेदारसमेत हुन् । कारमा सवार अन्य दुई जनामध्ये एक जना स्काभेटर चालक र अर्का एक जना हेल्पर रहेको प्रहरीले जनाएको छ ।

बिज्ञापन

प्रहरीका अनुसार काठमाडौँबाट ओखलढुंगातर्फ जाँदै गरेको बा.प्र. ०८–००१ ख ०१४४ नम्बरको बसले विपरीत दिशाबाट आउँदै गरेको नम्बर नखुलेको कारलाई ठक्कर दिँदा कार फिक्कल गाउँपालिका–२ नवलपुरस्थित सुनकोसी नदीमा खसेको हो ।

दुर्घटनापछि प्रहरी, जनप्रतिनिधि र स्थानीयवासी उद्धारका लागि घटनास्थलमा पुगे पनि नदीमा आएको बाढीका कारण उद्धार कार्य प्रभावित भएको जिल्ला प्रहरी कार्यालय सिन्धुलीले जनाएको छ । प्रहरीले कार र त्यसमा सवार व्यक्तिहरूको खोजी तथा उद्धार कार्य जारी राखेको छ ।

×

❮

❯