काठमाडौं । बुद्ध जयन्तीकै दिन काठमाडौंको बल्खुस्थित साङ्गे छोइलिङ्ग गुम्बा डोजर लगाएर भत्काइएको छ।

२०७८ साल कात्तिक १३ गते दर्ता भएको उक्त गुम्बा वैशाख १८ गते शुक्रबार, वैशाख शुक्ल पूर्णिमाका दिन हटाइएको हो। सार्वजनिक जग्गा अतिक्रमण गरी निर्माण गरिएका संरचना हटाउने अभियानअन्तर्गत गुम्बा पनि भत्काइएको महानगरपालिकाले जनाएको छ।

बिज्ञापन

डोजर चलाउनुअघि गुम्बाभित्र रहेका बुद्धमूर्ति तथा अन्य महत्वपूर्ण सामग्री सुरक्षित रूपमा बाहिर निकालिएको थियो।

बल्खु, टेकु नजिकको वंशीघाट, बालाजु लगायत क्षेत्रमा सार्वजनिक जग्गा अतिक्रमण गरेर बनाइएका घरटहरा हटाउने कार्य शुक्रबार बिहानदेखि जारी छ।

यता, बालाजुस्थित ओग्यन जम्लिङ टेरमा गुम्बामा पनि डोजर चलाउने तयारी भएपछि बौद्ध धर्मावलम्बीहरूले आपत्ति जनाएका छन्।

×

❮

❯