काठमाडौं । आज (चैत २१) देशका केही जिल्लामा तीव्र हावाहुरी चल्ने पूर्वानुमान गरिएको छ। मौसम पूर्वानुमान महाशाखाका अनुसार विशेषगरी तराई क्षेत्रका भूभागमा अपराह्नपछि हावाहुरीको सम्भावना रहेको छ।

महाशाखाले रातिको समयमा मधेस र लुम्बिनी प्रदेशका केही जिल्लामा अझै तीव्र हावाहुरी चल्न सक्ने जनाएको छ। ती क्षेत्रहरूमा ४० देखि ५० किलोमिटर प्रतिघण्टाको गतिमा हावा चल्ने अनुमान गरिएको छ।

बिज्ञापन

शनिबार बिहान जारी सूचनाअनुसार मधेस प्रदेश र लुम्बिनी प्रदेशका बारा, रौतहट, सर्लाही, महोत्तरी, बाँके, बर्दिया र दाङ आसपासका क्षेत्रमा यस्तो मौसमको प्रभाव देखिन सक्ने उल्लेख गरिएको छ।

तीव्र हावाहुरीका कारण रुख ढल्ने, कमजोर संरचना र छाना उड्ने तथा विद्युत् र सञ्चार सेवा प्रभावित हुन सक्ने जोखिम भएकाले आवश्यक सतर्कता अपनाउन महाशाखाले आग्रह गरेको छ।

×

❮

❯