मोरङमा प्रहरी कार्यालय तोडफोड-आगजनी गर्ने २१ जना पक्राउ (नामावली)
शुक्रबार, कार्तिक २८, २०८२ |
साँझ ५:२० बजे
विराटनगर । भदौ २३ र २४ गते भएको ‘जेन–जेड’ आन्दोलनका क्रममा उच्छृङ्खल र आपराधिक गतिविधि गर्ने समूह घुसपैठ गरी मोरङका विभिन्न प्रहरी कार्यालयहरूमा तोडफोड तथा आगजनी गरेका घटनामा संलग्न २१ जनालाई प्रहरीले पक्राउ गरेको छ। घटनामा संलग्नको पहिचान गर्न सूक्ष्म अनुसन्धान तथा प्रमाण विश्लेषणपछि मोरङ जिल्ला अदालतबाट पक्राउ अनुमति लिएर उनीहरूलाई नियन्त्रणमा लिइएको जिल्ला प्रहरी कार्यालय मोरङले जनाएको छ।
प्रहरीका अनुसार पक्राउ परेकाहरूले जिल्ला प्रहरी कार्यालय मोरङ, इलाका प्रहरी कार्यालय पथरी, इलाका प्रहरी कार्यालय उर्लाबारी, प्रहरी चौकी मझारे, CRV पोस्ट केशलिया, जतुवा, जिल्ला ट्राफिक कार्यालय मोरङका संरचना, ट्राफिक आइल्यान्ड, ट्राफिक लाइट, CCTV क्यामेरा तथा सवारी साधनमा तोडफोड र आगजनी गरी ठूलो मात्रामा क्षति पुर्याएका थिए। अदालतबाट म्याद थप अनुमति लिएर थप अनुसन्धान अघि बढाइरहेको प्रहरीले जनाएको छ।
शुक्रबार, कार्तिक २८, २०८२
शुक्रबार, कार्तिक २८, २०८२
