काठमाडौं । भारतको ककरोच जनता पार्टी (सीजेपी) ले अक्टोबर १० मा दिल्लीस्थित जन्तर मन्तरमा प्रदर्शन गर्ने तयारी गरिरहेका बेला दिल्ली प्रहरीले निषेधाज्ञा उल्लंघन नगर्न चेतावनी दिएको छ।

भारतीय नागरिक सुरक्षा संहिता (बीएनएसएस) को धारा १६३ लागू रहेकाले कुनै पनि स्थानमा भेला वा प्रदर्शन गर्न अनुमति नरहेको प्रहरीले जनाएको छ। डीसीपी सृष्टि पाण्डेले प्रतिबन्ध उल्लंघन गर्नेलाई कानुनी कारबाही गरिने बताउँदै सर्वसाधारणलाई प्रदर्शनमा सहभागी नहुन आग्रह गरेकी छन्।

विज्ञापन

यसैबीच, सीजेपीले प्रदर्शनअघि देशभर १० हजार जनालाई हिरासतमा लिइएको आरोप लगाएको छ। पार्टीका प्रवक्ता दीपक बालियानसहितका कार्यकर्ता पक्राउ परेको जानकारी नेताहरूले सामाजिक सञ्जालमार्फत दिएका छन्। सीजेपीका सहसंयोजक आशुतोष रांकाका अनुसार राजस्थान प्रहरीले बालियानलाई घरबाट पक्राउ गरे पनि बिहीबार साँझ रिहा गरेको थियो।

पार्टीका संस्थापक अभिजीत दिप्केले तेलङ्गानाका आन्दोलनकारी स्वयंसेवकलाई मध्य प्रदेश प्रहरीले भोपालमा गुडिरहेको रेलभित्रै पक्राउ गरेको आरोपसमेत लगाएका छन्। पार्टी नेताहरूले कथित सामूहिक गिरफ्तारीको विरोध गर्दै त्यसलाई आपत्कालीन अवस्थासँग तुलना गरेका छन्।

उता, दिल्ली प्रहरीको अपराध शाखाले गत जुलाईमा सीजेपीको प्रदर्शनका क्रममा भएको हिंसाबारे अनुसन्धान गरिरहेको छ। प्रहरीका अनुसार घटनामा प्रहरीमाथि आक्रमण, तोडफोड तथा सार्वजनिक सम्पत्ति र प्रहरीका सवारीसाधनमा भएको क्षतिबारे छानबिन भइरहेको छ।

×

❮

❯