काठमाडौं । मनसुनको न्यूनचापीय रेखा सरदर स्थानको आसपासमा अवस्थित रहेका कारण देशभर बदली भएको छ । आज कोशी, गण्डकी र सुदूरपश्चिम प्रदेशका केही भूभागहरूमा भारी वर्षाको सम्भावना रहेको छ ।

बंगालको खाडीबाट मनसुनी हावाको प्रभाव केही बढेको जल तथा मौसम पूर्वानुमान महाशाखाले जनाएको छ। जसका कारण देशभरि आंशिकदेखि साधारणतया बदलीको अवस्था रहेको हो । साथै देशका अधिकांश भूभागमा वर्षा भइरहेको महाशाखाले जनाएको छ।

बिज्ञापन

कोशी र लुम्बिनी प्रदेशका केही स्थानमा भारी वर्षा पनि भएको छ। आज दिउँसो देशभरि नै बदली हुने पूर्वानुमान छ। साथै सातै प्रदेशका अधिकांश पहाडी भूभागमा हल्कादेखि मध्यम वर्षाको सम्भवना रहेको महाशाखाले जनाएको छ ।

आज राति पनि देशैभरि आंशिकदेखि साधारणतया बदली रहने पूर्वानुमान छ। राति कोशी र सुदूरपश्चिम प्रदेशका एक/दुई स्थानमा भारी वर्षाको सम्भावना रहेको छ । भोलि शनिवारका लागे भने मौसम केही सुधार हुने सम्भावना रहेको छ । भोलि हल्कादेखि मध्यम वर्षा भएपनि भारी वर्षा नहुने महाशाखाले जनाएको छ।

×

❮

❯