विराटनगर । महेन्द्र मोरङ क्याम्पसमा विद्यार्थीहरुबीच फेरि कुटाकुट भएको छ ।

यस घटनालाई लिएर एक विद्यार्थीले आफ्नो सुरक्षा र कुटपिटमा संलग्नलाई कारवाही गर्न माग गर्दै उजुरी गरेका छन् ।

बिज्ञापन

बिहीबार बिहान आफूमाथि क्याम्पस परिसरमै नेपाल विद्यार्थी संघ इकाई कमिटी अध्यक्ष प्रशान्त यादव, सनिम ठकुरी, बलराम कामत लगायत दशबाह्र जना विद्यार्थीले स्ववियू सचिव सुदीक्षा थापा मगर र उपस्थित कलेजका प्राध्यापकहरुकै अगाडि हेल्मेट तथा मुक्काले कुटपिट गररेको विद्यार्थी मोहम्मद जमदेश आलमले आरोप लगाएका छन् ।

उनले जिल्ला प्रहरी कार्यालय मोरङमा बिहीबार नै उजुरी दिई कुटपिटमा संलग्नलाई कार्वाही गर्न माग गरेका छन् । कुटपिटबाट आफूलाई आर्थिक, शारीरिक र मानसिक क्षति भएको आलमको भनाइ छ ।

यसअघि पनि महेन्द्र मोरङ क्याम्पसमा विद्यार्थी समूहबीच कुटपिट भएको थियो । केहीअघि स्ववियू कार्यालयमा खुकुरी भेटिएपछि निकै विवाद भएको थियो ।

×

❮

❯