विराटनगर । विराटनगरको महेन्द्र मोरङ क्याम्पसको स्ववियु कार्यालयभित्र धारिलो हतियार खुकुरी फेला परेको छ । घटनामा संलग्न भएको आशंका गरिएका तीन जना विद्यार्थी फरार भएका छन् ।

स्वतन्त्र विद्यार्थी युनियन (स्ववियु) कार्यालय परिसरमा उनीहरूले नाङ्गो खुकुरी प्रदर्शन गरेको आरोप छ ।
मंगलबारको यो घटना बुझ्न तत्काल प्रहरी टोली क्याम्पस पुगेको थियो ।‌

बिज्ञापन

स्ववियु कार्यालय भित्र खुकुरी राखिएको विषयमा आफूलाई जानकारी नभएको र यसमा आफ्नो कुनै संलग्नता नभएको सभापति रोहित यादवले बताएका छन् । आफ्नो संलग्नता पुष्टि भए पदबाट राजीनामा दिने उनले बताएका छन् ।

घटनाबारे अनुसन्धान थालिएको प्रहरीले जनाएको छ । स्ववियु चुनावको बेलासमेत महेन्द्र मोरङ क्याम्पसमा विधार्थीबीच हानाहान भएको थियो । दराजमा कस्ले खुकुरी राख्यो भन्ने आफूलाई थाहा नभएको यादवको जिकिर छ ।

प्रहरीले बरामद खुकुरी अनुसन्धानका निम्ति साथै लगेको छ । प्रत्यक्षदर्शी विधार्थीका अनुसार असलम साफी, गौतम मण्डल र रमेश यादवले खुकुरी झिक्न लाग्दै थिए । एक छात्रलाई खुकुरीको बिंडले टाउकोमा हानेर ती विधार्थी फरार भए ।

×

❮

❯