दमक । झापाको दमक नगरपालिका–४ स्थित पूर्व–पश्चिम राजमार्गमा सवारी दुर्घटनामा एक साइकिल यात्रीको ज्यान गएको छ।

साउन १० गते बिहान करीब ६:४५ बजे उर्लाबारीबाट दमकतर्फ आउँदै गरेको प्रदेश नं. १–०१–००१ ख ४३६३ नम्बरको यात्रुबाहक बसले दमकबाट ताराबारीतर्फ गइरहेका साइकिल यात्रीलाई ठक्कर दिएको थियो। दुर्घटनामा परेका दमक–४ का ६० वर्षीय सोमबहादुर विश्वकर्मा गम्भीर घाइते भएका थिए।

बिज्ञापन

उनीलाई उपचारका लागि दमक अस्पताल लगिएको थियो, तर उपचारका क्रममा उनको मृत्यु भएको इलाका प्रहरी कार्यालय दमकले जानकारी दिएको छ।

दुर्घटनामा संलग्न बस र चालक मकवानपुर, हेटौंडाका ४७ वर्षीय राजेन्द्र गौतमलाई प्रहरीले नियन्त्रणमा लिई थप अनुसन्धान गरिरहेको छ।

×

❮

❯