काठमाडौं। जल तथा मौसम विज्ञान विभागले आज (शुक्रबार) देशभरका विभिन्न स्थानमा भारी वर्षा हुने सम्भावना रहेको जनाएको छ। मनसुनी वायुको प्रभाव र मनसुनको न्यूनचापीय रेखा सरदर स्थानको आसपासमा रहेकाले वर्षाको सम्भावना बढेको हो।

विभागका अनुसार, दिउँसो देशभर आंशिकदेखि साधारणतया बदली रहनेछ। विशेष गरी, वाग्मती, गण्डकी र सुदूरपश्चिम प्रदेशका पहाडी भूभागका केही स्थानमा साथै अन्य भूभागका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ।

बिज्ञापन

यसका अतिरिक्त, वाग्मती, गण्डकी, लुम्बिनी, कर्णाली र सुदूरपश्चिम प्रदेशका एकदुई स्थानमा भारी वर्षा हुन सक्ने पूर्वानुमान गरिएको छ। उच्च पहाडी तथा हिमाली भूभागका थोरै स्थानमा भने हल्कादेखि मध्यम वर्षा र हिमपातको सम्भावना छ।

विभागले राति देशभर आंशिकदेखि साधारणतया बदली रहने बताएको छ। राति पनि कोसी, मधेस, वाग्मती र गण्डकी प्रदेशका केही स्थानमा तथा बाँकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ।

विशेष गरी, कोसी, मधेस र वाग्मती प्रदेशका एकदुई स्थानमा भारी वर्षाको सम्भावना रहेको छ। उच्च पहाडी तथा हिमाली भूभागका एकदुई स्थानमा हल्कादेखि मध्यम वर्षा र हिमपात हुने सम्भावना पनि विभागले उल्लेख गरेको छ।

×

❮

❯