बिर्तामोड । झापा गाउँपालिका–४ चौधरी टोलमा शुक्रबार बिहान भएको मोटरसाइकल दुर्घटनामा एक युवकको ज्यान गएको छ भने दुई जना घाइते भएका छन्।

जिल्ला प्रहरी कार्यालय झापाका अनुसार बिहान ११:३५ बजेतिर पन्थपाडाबाट झापा बजारतर्फ जाँदै गरेको बिना नम्बर प्लेटको अपाची मोटरसाइकल अनियन्त्रित भई दुर्घटना भएको हो। मोटरसाइकलमा तीन जना सवार थिए।

बिज्ञापन

दुर्घटनामा परी झापा–३ निवासी २२ वर्षीय साहिदुल हकको मृत्यु भएको छ। घाइते अवस्थामा उद्धार गरी उनलाई बिर्तामोडस्थित बी एन्ड सी अस्पताल लगिएको थियो तर चिकित्सकहरूले मृत घोषणा गरेका हुन्।

मोटरसाइकल चालक झापा–४ का २४ वर्षीय इनरुल भनिने फकिर अली गम्भीर घाइते भएका छन् र उनको बी एन्ड सी अस्पतालमै उपचार भइरहेको छ। यस्तै, मोटरसाइकलको पछाडि सवार २१ वर्षीय सोहिल मियाँको अवस्था मध्यम रहेको र उनको बिर्तासिटी अस्पतालमा उपचार भइरहेको प्रहरीले जानकारी दिएको छ।

प्रहरीको प्रारम्भिक अनुसन्धान अनुसार मोटरसाइकल अत्यधिक गतिमा रहेको आशंका गरिएको छ। घटनासम्बन्धी थप अनुसन्धान जारी रहेको जनाइएको छ।

×

❮

❯