काठमाडौं । काठमाडौंको त्रिपुरेश्वरस्थित चोकमा बसमा आगलागी हुँदा चालक घाइते भएका छन्।

त्रिपुरेश्वरको बस स्टपअगाडि बा ५ ख ४२७४ नम्बरको बसमा आगलागी भएको हो। आगलागीमा बसका चालक काभ्रे घर भएका २५ वर्षीय दावा लामा घाइते भएका छन्।

विज्ञापन

काठमाडौं उपत्यका ट्राफिक प्रहरी कार्यालयका एसपी नरेशराज सुवेदीका अनुसार घाइते लामालाई उद्धार गरी उपचारका लागि अस्पताल पठाइएको छ।

उनका अनुसार बसमा आगलागी हुनुको कारण खुल्न सकेको छैन। घटनाबारे अनुसन्धान भइरहेको प्रहरीले जनाएको छ।

बसभित्र चालक रहेका बेला आगलागी भएकाले घटना शंकास्पद देखिएको प्रहरीको भनाइ छ।

×

❮

❯