रूपन्देही । भौतिक पूर्वाधार मन्त्री सुनिल लम्सालले दशैँसम्म सबै सुकुम्बासीले लालपुर्जा पाउने दाबी गर्दै अहिले आन्दोलन गर्नु आवश्यक नरहेको बताएका छन् ।

आफ्नो निर्वाचन क्षेत्र रूपन्देही–१ का मतदातासँग संवाद गर्दै उनले कसैको उक्साहटमा आन्दोलनमा सहभागी नहुन आग्रह गरे । मन्त्री लम्सालले सरकार गफभन्दा काममा विश्वास गर्ने टोली भएको उल्लेख गर्दै सुकुम्बासी समस्या स्थायी रूपमा समाधान गर्न पहिलो मन्त्रिपरिषद् बैठकबाटै योजना अघि बढाइएको बताए ।

बिज्ञापन

उनका अनुसार समस्या समाधानका लागि पाँच वटा कार्ययोजना बनाइएको छ भने १०० दिनभित्र पूरा गर्ने गरी स्पष्ट समयसीमा तय गरेर काम भइरहेको छ ।

काठमाडौँको सुकुम्बासी समस्या भने अन्य ठाउँभन्दा फरक रहेको उल्लेख गर्दै उनले वर्षायाममा जनधनको क्षति भएकाले त्यहाँका प्रभावितलाई तत्काल वैकल्पिक व्यवस्था आवश्यक परेको बताए ।

मन्त्री लम्सालले सरकारले तय गरेको कार्यशैलीअनुसार तीव्र गतिमा काम भइरहेको दोहोर्याउँदै दशैँसम्म सबै सुकुम्बासीले पुर्जा पाउने भएकाले आन्दोलनको आवश्यकता नरहेको बताए ।

×

❮

❯