विराटनगर । राष्ट्रिय स्वतन्त्र पार्टी (रास्वपा)का सन्तोष राजवंशी मोरङ क्षेत्र नम्बर–४ बाट प्रतिनिधिसभा सदस्यमा निर्वाचित भएका छन् ।

बिहीबार (फागुन २१) सम्पन्न निर्वाचनको शनिबार (फागुन २३) बिहान सार्वजनिक भएको अन्तिम मतपरिणामानुसार राजवंशीले ४० हजार ८३३ मत प्राप्त गरी विजयी भएका छन् ।

निर्वाचन अधिकृत कार्यालय क्षेत्र नम्बर–४ का अनुसार, उनका निकटतम प्रतिस्पर्धीमा नेपाली कांग्रेसका महामन्त्री गुरुराज घिमिरेले १२ हजार ८१८ मत प्राप्त गरेका छन् ।

यस्तै, नेपाली कम्युनिस्ट पार्टी (नेकपा)का अमनलाल मोदीले १० हजार ७६, नेकपा (एमाले)का जीवन घिमिरेले ६ हजार ९३३ मत प्राप्त गरे ।

उक्त निर्वाचन क्षेत्रमा कुल एक लाख १९ हजार २५५ मतदाता भएकामा ८० हजार ०८४ मत खसेको थियो । विभिन्न राजनीतिक दल र स्वतन्त्र समेत गरी कुल १९ प्रत्यासीले प्रतिस्पर्धा गरेका थिए ।

×

❮

❯