काठमाडौं । नेकपा (एमाले) को विधान संशोधन गरिएको छ। आइतबार बिहान सम्पन्न केन्द्रीय कमिटी बैठकले विधान संशोधन गर्दै पार्टीका पदाधिकारीको संख्या वृद्धि गर्ने निर्णय गरेको हो।

संशोधनपछि एमालेका पदाधिकारी १९ जना हुनेछन्। जसअनुसार अध्यक्ष १, उपाध्यक्ष ५, महासचिव १, उपमहासचिव ३ र सचिव ९ जना रहने व्यवस्था गरिएको छ।

बिज्ञापन

यसैगरी स्थायी कमिटी ४५ सदस्यीय र पोलिटब्युरो ९९ सदस्यीय बनाइनेछ। केन्द्रीय कमिटीको संख्या बढाएर ३०१ सदस्यीय बनाइएको छ।

उक्त प्रस्ताव महाधिवेशनबाट अनुमोदन भएपछि तुरुन्तै बस्ने बन्दसत्रमार्फत नयाँ नेतृत्व चयन प्रक्रिया अघि बढाइने पार्टीले जनाएको छ।

×

❮

❯