जनकपुरधाम — मधेश प्रदेशमा नयाँ सरकार गठनको प्रक्रिया सुरु भएको छ। प्रदेश प्रमुख सुमित्रा भण्डारीले विभिन्न राजनीतिक दल र संविधानविदसँग परामर्श गर्दै नयाँ सरकार गठनको तयारी गरिरहेकी छिन्।

आइतबार उनले कांग्रेस संसदीय दलका नेता कृष्णाप्रसाद यादव, एमाले संसदीय दलका नेता सरोजकुमार यादव, सभामुख रामचन्द्र मण्डल, र कार्यवाहक मुख्यमन्त्री जितेन्द्र प्रसाद सोनार (सोनल)सँग छलफल गरिन्। यस क्रममा, सोनल समर्थित दलहरूले संविधानको धारा १६८ (२) बमोजिम नयाँ सरकार गठनको आह्वान गर्न आग्रह गरेका थिए। सोनलले भने कि यो धारा पूर्ण रूपमा कार्यान्वयन नभएको र उनले विश्वासको मत गुमाएका छैनन्, त्यसैले यही धारा लागू गर्नुपर्ने तर्क गरे।

बिज्ञापन

तर एमालेले उक्त धारा अब फेल भइसकेको भन्दै प्रदेश प्रमुखसँग अर्को धारामा जानुपर्ने अनुरोध गर्‍यो। प्रदेश प्रमुख कार्यालयका कानुन अधिकृत सत्रुधन यादवले हाल परिस्थिति अन्योलपूर्ण रहेको बताए। उनले भने कि प्रदेश प्रमुखले परामर्श जारी राखेका छन् र कानुनअनुसार सरकार गठनको आह्वान गरिनेछ।

मधेश सरकारको विश्वासको मत लिने प्रक्रिया सुरु हुनुअघि शनिबार साँझ कार्यवाहक मुख्यमन्त्री सोनलले पदबाट राजीनामा दिएका थिए। उनले असोज २९ गते ५६ सांसदको समर्थनमा मुख्यमन्त्री पद ग्रहण गरेका थिए। तर, विश्वासको मत लिने दिन सत्तासाझेदार दलका नेताहरूको विद्रोह र अनुपस्थितिले गर्दा सोनल राजीनामा दिन बाध्य भए।

×

❮

❯