काठमाडौं । काठमाडौं महानगरपालिकाका मेयर बालेन्द्र शाह (बालेन)विरुद्ध अभियान सञ्चालन गर्ने घोषणा गर्दै विवादास्पद व्यवसायी दुर्गा प्रसाईं आइतबार (कात्तिक २३) बिहान मनोहरा सुकुम्वासी बस्ती पुगेका छन्। त्यहाँ उनले भेला भएका स्थानीयलाई मंसिर ७ गतेदेखि सुरु हुने आफ्नो अभियानमा साथ दिन आग्रह गरे।

प्रसाईंले मेयर बालेनसँग मिलेर भिक्टर पौडेलले बब्लु गुप्तालाई मन्त्री बनाउन दुई करोड रुपैयाँ लिएको आरोप लगाए। उनले दलहरूले सुकुम्वासीलाई केवल ‘भोट बैंक’का रूपमा उपयोग गर्दै आएको टिप्पणी पनि गरे।

आफूले कसैसँग भोट नमाग्ने तर सुकुम्वासीलाई पक्की घर बनाउन सहयोग गर्ने प्रसाईंको भनाइ थियो। साथै, उनले सबै दल र मेयर बालेनलाई “ठेगान लगाउने” चेतावनी पनि दिए।

यसैबीच, सुकुम्वासी बस्ती खाली गर्न काठमाडौं महानगरपालिकाले दिएको एक साताको ‘अल्टिमेटम’ आइतबार सकिँदै छ। अल्टिमेटम सकिएपछि महानगरले बस्ती खाली गराउने तयारी गरेको छ।

×

❮

❯