विराटनगर । विराटनगर महानगरपालिकाका मेयर नागेश कोइरालाले बाढीपीडितलाई राहत वितरणमा कुनै कमी हुन नदिने गरी महानगरले पूर्ण क्षमताका साथ काम गरिरहेको बताएका छन् ।

सोमबार बिहान रेडक्रस, राउण्ड टेबल, अग्रवाल सेवा समाजलगायतका विभिन्न सामाजिक संघसंस्थाका प्रतिनिधिहरुसँगको छलफलमा मेयर कोइरालाले उद्धार र राहत वितरण कार्य निरन्तर जारी रहेको जानकारी दिए ।

बिज्ञापन

महानगरले सोमबार बिहान अग्रवाल सेवा समितिको सहयोगमा बाढीपीडितका लागि बिहानको खाना वितरण गरेको थियो । मेयर कोइरालाको पहलमा आज बेलुकाको खाना राउण्ड टेबलले उपलब्ध गराउने भएको छ ।

त्यसैगरी, रेडक्रसले त्रिपाल र ओछ्याउनका लागि म्याट्रेस उपलब्ध गराउने भएको छ ।

मेयर कोइरालाले विभिन्न संघसंस्थासँग सहकार्य गर्दै राहत तथा उद्धार कार्यलाई थप प्रभावकारी बनाउन समन्वय गर्दै आएका छन् ।

×

❮

❯