भद्रपुर । अविरल वर्षाका कारण झापाको भद्रपुर नगरपालिका–५ मा बाढीको उच्च जोखिम देखिएपछि नेपाल प्रहरीले स्थानीय बासिन्दालाई सुरक्षित स्थानमा स्थानान्तरण गर्न सुरु गरेको छ।

नदी र खोलामा पानीको सतह लगातार बढ्दै गएपछि डुबानको सम्भावित जोखिम रहेको क्षेत्रका बासिन्दालाई प्राथमिकताका आधारमा उद्धार गरी सुरक्षित स्थानमा पु¥याउने कार्य भइरहेको प्रहरीले जनाएको छ।

बिज्ञापन

नेपाल प्रहरीले बाढी प्रभावित क्षेत्रमा जनशक्ति परिचालन गरी उद्धार तथा सतर्कता सम्बन्धी सूचना प्रवाहलाई समेत तीव्र बनाएको छ।

जोखिमयुक्त स्थानमा रहेकाहरुलाई आवश्यक सतर्कता अपनाउन र सुरक्षाकर्मीको सहकार्य गर्न आग्रह गरिएको छ।

×

❮

❯