चितवन । चितवनको इच्छाकामना गाउँपालिका–६ स्थित तुइन खोला पुलनजिक खसेको पहिरोका कारण मुग्लिन–नारायणगढ सडकखण्डमा एकतर्फी मात्र सवारीसाधन सञ्चालन गरिएको छ।

सडक डिभिजन कार्यालय भरतपुरका अनुसार पहिरो हटाइसकेपछि आज बिहान ८:५० बजेबाट एकतर्फी रुपमा यातायात सञ्चालनमा ल्याइएको हो। यद्यपि, पहिरोसँगै ढुंगा झर्ने क्रम जारी रहेकाले यात्रु तथा चालकहरूलाई सतर्क रहन र लेन अनुशासन पालना गर्न अनुरोध गरिएको छ।

बिज्ञापन

पहिरो खस्दा यसअघि सडक दुवैतर्फ अवरुद्ध भएको थियो। हालको अवस्थालाई मध्यनजर गर्दै जोखिम न्यूनीकरणका उपायहरू अपनाइँदै गएका छन्।

×

❮

❯