काठमाण्डौ । कोशी प्रदेशस्थित सुनसरी जिल्लाको धरान उपमहानगरपालिकास्थित भाटभटेनी सुपरमार्केटमा जलेको अवस्थामा एक शव भेटिएको छ।

शुक्रबार भाटभटेनीको आगो निभाई सरसफाई गर्ने क्रममा स्थानीय र सुरक्षाकर्मीको टोलीले पूर्ण रुपमा जलेको अवस्थामा शव फेला पारेका हुन् ।

स्थानीय प्रहरीकाअनुसार शवको सनाखत गर्ने प्रयास भइरहेको छ ।

जेनजी आन्दोलनका क्रममा देशका अन्य क्षेत्रमा जस्तै धरानको भाटभटेनी सुपरमार्केटको स्टोरमा समेत आन्दोलनकारीहरुले आगो लगाएका थिए । स्टोरमा आगो लाग्दा धेरै कर्मचारीहरु भित्रै काम गरिरहेका थिए । भेटिएको शव कुनै कर्मचारीकै हुनसक्ने अनुमान गरिएको छ ।

सो स्टोरमा कार्यरत तीन कर्मचारीहरु हराइरहेका बताइएको छ । भेटिएको शव ती तीनजनामध्येकै हुनसक्ने विषयमा प्रहरीले आफ्नो अनुसन्धान केन्द्रीत गरेको छ ।

×

❮

❯