काठमाडौँ । लामो समयदेखि बक्यौता रकम नपाएको भन्दै दुग्ध किसानहरू काठमाडौंको लैनचौरस्थित दुग्ध विकास संस्थान (डीडीसी) केन्द्रीय कार्यालयमा धर्ना र नाराबाजीमा उत्रिएका छन्।

उखु किसानपछि आफ्ना माग सम्बोधन गर्न माग गर्दै दुग्ध किसानहरु सडकमा उत्रिएका हुन् ।

बिज्ञापन

अखिल नेपाल किसान महासंघको अगुवाइमा आयोजित प्रदर्शनमा सहभागी किसानहरूका अनुसार डीडीसीबाट करिब १ अर्ब रुपैयाँ बराबरको बक्यौता भुक्तानी पाउन बाँकी छ।

किसानहरूले पटक-पटक दूधको मूल्य चाँडो भुक्तानी गर्न माग गर्दै आएका थिए। तर, सम्बन्धित निकायबाट समाधान नआएपछि आन्दोलनमा जानु परेको उनीहरूको भनाइ छ।

किसानहरूले तत्काल बक्यौता रकम भुक्तानी गर्न सरकार र डीडीसीसँग माग गरेका छन्। माग पूरा नभए संघर्षका कार्यक्रमहरू थप कडा बनाइने चेतावनी उनीहरूले दिएका छन्।

×

❮

❯