मोरङ । १८ औँ पुस्तकालय दिवसको अवसरमा “हाम्रो पुस्तकालय : हाम्रो भविष्य” भन्ने मूल नारासहित शान्ति सामुदायिक पुस्तकालय तथा स्रोत केन्द्र, लेटाङ नगरपालिका-४, मोरङको औपचारिक उद्घाटन गरिएको छ।

पुस्तकालयको उद्घाटन कोशी प्रदेशका मुख्यमन्त्री हिक्मत कुमार कार्की र नेपालका लागि जापानका राजदूत महामहिम माईडा टोरुले संयुक्त रूपमा गरे।

बिज्ञापन

त्यस अवसरमा वक्ताहरूले पुस्तकालय ज्ञान, शिक्षा र सूचना प्रवाहको महत्वपूर्ण आधारस्तम्भ रहेको भन्दै पुस्तकालयमार्फत समुदायमा पढ्ने संस्कृतिको विकास गर्नुपर्नेमा जोड दिइयो। पुस्तकालयलाई केवल पुस्तक राख्ने स्थान नभई स्थानीय विकास, सामाजिक रूपान्तरण र भविष्य निर्माण गर्ने महत्वपूर्ण केन्द्रको रूपमा अघि बढाउनुपर्ने विचार व्यक्त गरिएको थियो।

कार्यक्रममा स्थानीय जनप्रतिनिधि, विद्यार्थी, शिक्षक, सरोकारवाला निकायका प्रतिनिधि र समुदायको उत्साहपूर्ण सहभागिता रहेको थियो।

×

❮

❯