विराटनगर । कोसी प्रदेश सभामा विपक्षी दल माओवादी केन्द्रका सांसद दुर्गा प्रसाद चापागाईंले दुई दल सरकार संचालन गर्न संघीय र प्रदेशमा असफल भएको दाबी आरोप लगाएका छन् ।

सरकार देखिने र सुनिनेमात्र नभएर जनताले महसुस हुनुपर्ने भन्दै उनले जहाँ सरकार त्यहाँ भ्रष्टचार भन्दै कटाक्ष गरे । आफू र आफ्नालाई मात्र जोगाउने तर्फ सरकार लागेको उनको आरोप छ । ‘‘चर्चित मेयरले कालेकाले मिलेर खाउँ भाले’’ भनेर दिएको अभिव्यक्ति सार्थक भएको बताए । कार्यपालिका, न्यायपालिका र व्यवस्थापिकाको आफ्नै आफ्नै भूमिका हुने पनि न्यायपालिकाको हस्तक्षेप बढेको बताए ।

बिज्ञापन

उनले भने,‘‘संवैधानिक परिषद्मा जनजाति महिलाको प्रतिनिधित्व गरिरहेकी उपसभामुख हटाउन खोजिएको छ । कोसी प्रदेशमा पनि सभामुख हटाउने प्रयास भई रहेको छ । प्रदेशको अस्थिरताको भारी सभालाई बोकाउन हुँदैन ।’’ उनले कामकाजी भाषाको रुपमा अन्य भाषा पनि समावेश गरिनु पर्ने माग गरे । हतार हतार विपक्षीको विधेयक फेल गराएर आफ्नै विधेयक ल्याएको आरोप लगाए ।

संघीय गणतन्त्रको जननी पुस्पकमल दाहाल प्रचण्ड भएको बताए । विपक्षीको सकारात्मक दबाबपछि भाषा विधेयक आएको मात्र नभई यो सम्पूर्ण व्यवस्थाको जस प्रचण्डको भएको भन्दै युग युगसम्म चर्चा हुने दाबी गरे ।

लगानी सम्मेलनपछि कति बजेट आयो ? भन्ने प्रश्न गर्दै उनले नियमित काममा मात्र सरकार अल्मलिएको र आफ्ना संरचनासमेत बनाउन नसकेको टिप्पणी गरे । संख्याको घमण्ड नगर्न र मुक्त हुन आग्रह गर्दै २०६४ को निर्वाचनमा दोस्रो र तेस्रो दल रहेको स्मरण गराउँदै त्यसबेलै जनताले विकल्प खोजेको र अब ८४ सम्म पर्खन आग्रह गरे ।

×

❮

❯