विराटनगर । कोसी प्रदेश सभामा योगदान मुलक निवृत्तभरण कोष स्थापना तथा संचालन सम्बन्धी छलफल सकिएको छ । यो विधेयमा संशोधन दर्ता गराउन कोसी प्रदेश सभा संचालन नियमावलीअनुसार साउन १५ गते विहीबारसम्म समय दिइएको छ ।

कर्मचारीको वृत्ति विकासका लागि यो कोषको स्थापनालाई महत्वपूर्ण मानिएको छ । सामाजिक विकास मन्त्री पाँचकर्ण राईले सामाजिक संघसंस्था सम्बन्धी ऐन २०७५ लाई संशोधन गर्न बनेको विधेयक सभामा पेश गरेका छन् ।

बिज्ञापन

यसलाई सभाले स्वीकार गरी अब छलफल शुरु हुने छ । यो ऐन कोसी सरकारको स्थापनाको पहिलो कार्यकालमा बनेको थियो । यो ऐनलाई अझ प्रभावकारी बनाउन संशोधन गर्न आवश्यक रहेको मन्त्री राईले बताए ।

संशोधनको लागि उनले प्रस्ताव गरेपछि यसलाई अघि बढाउन सभाले स्विकृति प्रदान गरेको छ ।

×

❮

❯