काठमाडौं । बागमती नदी किनारअन्तर्गत थापाथली क्षेत्रमा रहेको सुकुमवासी बस्ती हटाउने काम सुरु भएको छ। सार्वजनिक जग्गा र नदी कोरिडोर अतिक्रमण गरी बनाइएका अनधिकृत संरचनाहरू खाली गराउने सरकारी अभियानअन्तर्गत शनिबार स्काभेटर प्रयोग गरेर बस्ती हटाउन थालिएको हो।

बस्ती हटाउने क्रममा सम्भावित तनाव र झडपको अवस्थालाई ध्यानमा राख्दै ठूलो संख्यामा सुरक्षाकर्मी परिचालन गरिएको छ। यद्यपि यसपटकको अवस्था विगतको तुलनामा शान्त र व्यवस्थित देखिएको छ।

बिज्ञापन

नेपाल प्रहरी र नगर प्रहरीका टोलीहरूले बस्तीका बासिन्दाहरूलाई सहयोग गर्दै उनीहरूका सामान सुरक्षित स्थानमा सार्न मद्दत गरिरहेका छन्।

यसअघि सोही क्षेत्रमा डोजर चलाउन खोज्दा स्थानीयवासी र सुरक्षाकर्मीबीच ढुंगामुढा तथा हिंसात्मक झडप भएको थियो। तर यसपटक प्रशासनले सहकार्य र समन्वयमा आधारित रणनीति अपनाएर बस्ती खाली गराउने प्रयास गरेको देखिन्छ।

×

❮

❯