धरान । सुनसरीको धरानमा जुवा खेलिरहेको आरोपमा ८ जना पक्राउ परेका छन्।

धरान उपमहानगरपालिका–१३ शिवधारास्थित ४३ वर्षीय रविकुमार राईको घरमा जुवा (कौडा) खेलिरहेको अवस्थामा प्रहरीले उनीहरूलाई गए राति नियन्त्रणमा लिएको हो।

बिज्ञापन

प्रहरीका अनुसार गोप्य सूचनाको आधारमा खटिएको टोलीले राईको घरमा छापा मार्दा घरधनी राईसहित ८ जना जुवा खेलिरहेको अवस्थामा फेला परेका थिए।

उनीहरूको साथबाट नगद ३ लाख ९४ हजार ७०५ रुपैयाँ र १५ थान कौडा बरामद गरिएको प्रहरीले जनाएको छ।

यस घटनाबारे थप अनुसन्धान भइरहेको प्रहरीले जानकारी दिएको छ।

×

❮

❯