विराटनगर । नेकपा एमालेको ११ औं राष्ट्रिय महाधिवेशनका लागि मोरङमा प्रतिनिधि निर्वाचनका सबै क्षेत्रको अन्तिम मत परिणाम सार्वजनिक भएको छ ।
घोषित परिणाम अनुसार, अध्यक्ष केपी ओली पक्षका प्रतिनिधिहरू बढी निर्वाचित भएका छन् । प्रतिनिधि सभा अन्तर्गतका ६ क्षेत्र र एक दलित निर्वाचन क्षेत्र गरी कुल ७ वटा क्षेत्रबाट ४६ प्रतिनिधिका लागि भएको निर्वाचनमा २५ जना ओली पक्षका र २० जना वरिष्ठ नेता ईश्वर पोखरेल पक्षका प्रतिनिधि निर्वाचित भएका छन्। यी दुवै पक्षले समूहगत रूपमा प्रतिस्पर्धा गरेका थिए।
बिज्ञापन
क्षेत्र नं. ४ बाट एक प्रतिनिधि, गुणावती धामी, दुवै समूहले दाबी गरे पनि निर्वाचित भएकी छिन्।
ओली पक्षबाट मोरङ १ मा रहेका उम्मेदवारहरू- डिल्लीराम शर्मा अधिकारी, गंगाप्रसाद खरेल, उमाकान्त गौतम, बुद्धिमान लिम्वु, उर्गेन तामाङ, शान्तिकुमारी लिम्वु, मेनु पाण्डे, र सरला राई निर्वाचित भएका छन्।
क्षेत्र नं. २ बाट ओली पक्षका ऋषिकेश पोखरेल, श्याम राजवंशी, सुशील बुढाथोकी, करण ठाकुर, र रामजना अधिकारी (निर्विरोध) निर्वाचित भए।
क्षेत्र नं. ३ बाट भूपाल श्रेष्ठ, राजकुमार ओझा, यमुना विष्ट र सीता तामाङ निर्वाचित भए।
क्षेत्र नं. ४ मा ओली पक्षका नरेन्द्र बस्नेत, मुकेश बुढाथोकी, विमला घिमिरे र राम पोखरेल निर्वाचित भए।
क्षेत्र नं. ५ मा दिलिप बगडिया र शान्त डंगोल (निर्विरोध)।
निर्वाचित भएका छन् ।
दलित निर्वाचन क्षेत्रबाट ओली पक्षका किशोर विक र रिंकु परियार निर्वाचित भएका छन्।
बरिष्ठ नेता पोखरेल पक्षबाट क्षेत्र नं. ६ मा रहेका सबै उम्मेदवारहरू- रमेशप्रसाद पोखरेल, पितकुमार श्रेष्ठ, विनोदप्रसाद ढकाल, सत्यनारायण चौधरी, सरस्वती भण्डारी, सरस्वती खरेल र सन्तोष घिमिरे निर्वाचित भएका छन्।
क्षेत्र नं. २ मा लिलाबल्लभ अधिकारी र गीतादेवी बानियाँ कार्की (निर्विरोध), क्षेत्र नं. ३ मा इरन राई, भोला अधिकारी, ज्ञानेन्द्र सुवेदी, धनमायाँ तामाङ र निरजकुमार ढकाल, क्षेत्र नं. ४ मा महेशप्रसाद भट्टराई, र क्षेत्र नं. ५ मा ज्ञानेश्वर राजवंशी, मनोज अग्रवाल, उषा झा, र मो. अमित आजात निर्वाचित भएका छन्।
दलित निर्वाचन क्षेत्रबाट पोखरेल पक्षका खेमचन्द्र नेपाली निर्वाचित भएका छन्।
आइतबार, मंसिर १४, २०८२
आइतबार, मंसिर १४, २०८२
