विराटनगर । विराटनगरको बरगाछी चोकमा आज साँझ भारतीय ट्रकको ठक्करबाट एक महिलाको मृत्यु भएको छ।

जिल्ला ट्राफिक प्रहरी कार्यालय मोरङका अनुसार WB 59C 0248 नम्बरको भारतीय ट्रकले प्रदेश २–०३–०११ प ४१४३ नम्बरको मोटरसाइकललाई ठक्कर दिएको थियो।

बिज्ञापन

उक्त दुर्घटनामा मोटरसाइकलमा सवार दुई जनामध्ये ४५ वर्षीया रोहिता अधिकारीको उपचारका क्रममा कोशी अस्पतालमा मृत्यु भएको प्रहरीले जनाएको छ।

घटनामा सर्लाही हरिपुर -१ का बिमल कोइराला घाइते भएका छन् र उनको उपचार भइरहेको छ। उनी मृतकका श्रीमान् हुन ।‌

प्रहरीका अनुसार ट्रक चालक भारतका ४० वर्षीय कन्हैया यादवलाई नियन्त्रणमा लिइएको छ।

जिल्ला प्रहरी कार्यालय मोरङकी प्रवक्ता डीएसपी कोपिला चुडालका अनुसार घटनाबारे थप अनुसन्धान भइरहेको छ।

×

❮

❯