विराटटनगर । नेपाल–भारत सीमा क्षेत्र जोगबनीमा हुने सडक जामको समस्या अब समाधान हुने भएको छ । भारतको जोगबनीमा सरोकारवाला निकायका प्रतिनिधिहरुबिच भएको छलफलबाट सीमामा हुने सडक जामको समस्या समाधान गर्ने र समाधान निकाल्ने प्रयास भएको हो ।

भारतीय सीमा सुरक्षा बल एसएसबी सुरेन्द्र विक्रमको अध्यक्षतामा बसेको बैठकले जोगबनी गेटमा हुने जाम नियन्त्रण गर्ने विषयमा छलफल भएको थियो ।

बिज्ञापन

छलफलमा मुख्य नाका जोगबनी बाजारसँग डोडिएको र फराकिलो ठाउँ नभएकाले नेपाल–भारत आउने–जाने यातायातका साधान तथा यात्रुको चेकजाँचको समयमा जाम लागेर सर्वसाधारणलाई समस्या हुने भएकाले समाधान गरिनुपर्ने सरोकारवालाहरुले बताए ।

सो अवसरमा जोगबनी कस्टमका सहायक प्रमुखले उपयुक्त स्थानमा पार्किङको व्यवस्थापन गर्नुपर्ने बताए । जोगबनी गेटमा हुने जाम नियन्त्रण गर्न बैकल्पिक उपायमा जोड दिनुपर्ने बैठकमा उपस्थितहरुले बताएका थिए ।

×

❮

❯