विराटनगर । जेनजी आन्दोलन उत्कर्षमा पुगेसँगै काठमाडौ पुगेका धरानका मेयर हर्क साम्पाङ काठमाडौ पुगेका थिए । अहिले उनी फर्किसकेका छन् ।

आफूलाई प्रधानमन्त्री बनाउन उनको माग थियो । तर, सुशीला कार्की प्रधानमन्त्री भइन् । उनी सैनिक मुख्यालयमा पुगेर प्रधानसेनापतीसँग समेत छलफल गरेका थिए ।

बिज्ञापन

उनलाई डिस्कर्डमा केही जेनजीले प्रधानमन्त्री बनाइने व्यक्तिको नामावलीमा समावेश गर्दै भोटिङ समेत गरेका थिए । त्यही निर्णयबाट हौसिएर काठमाडौ पुगेका साम्पाङले मन्त्री पदसमेत पाएनन् । अन्ततः धरान फर्किएर अहिले फेसबुकमा स्टाटसका स्टाटस लेखिरहेका छन् । आक्रोस झल्कने उनका स्टाटसहरु यस्ता छन् ।

उनले लेखेका छन्,’लाई पदको लोभि भन्नेहरुलाई के थाहा देश दन्दनी जलिरहेको बेला सबै डराएर घर भित्र लुकेर बसेको बेला ५०० किलोमिटर टाढाबाट पुगेर देशको जिम्मा लिनु खोजेको हुँ मैले ! खानेपानी र श्रम तथा रोजगार दुइटा मन्त्रालय दिंदा पनि छोडेर नलिएको मान्छे हुँ म ! भारतीय दुताबास जानु पर्ने भने पछि म हच्किएँ ! पछि थाहा हुन्छ विरोधी हो… हर्क साम्पाङ को हो भन्ने !’

×

❮

❯