दमक । सामाजिक सञ्जाल बन्दको विरोधमा झापाको दमकमा जेनजी पुस्ताको आन्दोलन उग्र बनेपछि प्रहरीले हवाई फायर गरेको छ।

दमक नगरपालिकाको कार्यालय अगाडि युवाहरूले आगजनी प्रयास गरेपछि स्थिति नियन्त्रणमा लिन प्रहरीले गोली चलाएको हो। झापा प्रहरीले जनाएको अनुसार, प्रदर्शनकारीले ढुंगामुढा पनि गरेका थिए।

झापाका प्रहरी उपरीक्षक राजन लिम्बूका अनुसार, प्रदर्शन बेकाबु बनेपछि हवाई फायर गर्नुपरेको हो। ढुंगामुढाको क्रममा केही प्रदर्शनकारी र प्रहरी घाइते भएका छन्। घाइतेमध्ये कमल गाउँपालिका–५ का कमल भट्टराईको नाम पुष्टि गरिएको छ।

उपरीक्षक लिम्बूले दमकको अवस्था नियन्त्रणमा लिन प्रयास भइरहेको जानकारी दिएका छन्। हाल प्रहरीले क्षेत्रको सुरक्षा थप कडा बनाएको छ।

×

❮

❯