विराटनगर । कोसी प्रदेश सरकारले प्रदेश सभामा पेश गरेको सञ्चारसम्बन्धी विधेयकको विरोधमा नेपाल प्रेस युनियन कोशीले आइतबार ‘उल्टो जुलुस’ प्रदर्शन गरेको छ।

सरकारले विधेयकमार्फत सञ्चार स्वतन्त्रता सीमित गर्ने प्रयास गरिरहेको आरोप लगाउँदै पत्रकारहरू विराटनगरको देवकोटा चोकबाट मोरङ कारागार नजिकको हाट खोलासम्म उल्टो दिशामा जुलुस निकालेर प्रदर्शनमा उत्रिएका थिए।

बिज्ञापन

प्रेस युनियनका अध्यक्ष मीनकुमार श्रेष्ठले प्रस्तावित विधेयकमा पत्रकारहरूलाई दण्ड, सजाय दिने तथा सञ्चार सामग्री प्रकाशन र प्रसारणमा रोक लगाउने प्रावधान रहेका कारण त्यसलाई स्वीकार गर्न नसकिने बताए।

“हुवहु पास भयो भने पत्रकारलाई सीधै कारागारतर्फ लैजानुपर्ने अवस्था आउन सक्छ भन्ने सन्देश दिन हामीले यो उल्टो जुलुस निकालेका हौँ,” अध्यक्ष श्रेष्ठले भने।

×

❮

❯