उदयपुर। उदयपुरको त्रियुगा नगरपालिका–७ स्थित नमुना चौकमा आयोजित एक जन्मदिनको भोजपछि २७ जना बिरामी परेका छन्।

बिहीबार साँझ जितेन्द्र राईको घरमा आयोजना गरिएको जन्मदिनको कार्यक्रममा सहभागी भएका स्थानीयहरू अचानक बिरामी परेका हुन्।

बिज्ञापन

भोजपछि उनीहरूलाई झाडापखाला र बान्ता हुने समस्या देखिएपछि तत्काल जिल्ला अस्पताल उदयपुरमा उपचारका लागि भर्ना गरिएको जिल्ला प्रहरी कार्यालय उदयपुरका सूचना अधिकारी डिएसपी केदारमान दोङले जानकारी दिए।

बिरामी हुनेमा ३ जना पुरुष, ११ जना महिला, ५ जना बालक र ८ जना बालिका छन्। घटनाको थप अनुसन्धान भइरहेको प्रहरीले जनाएको छ।

×

❮

❯